Rreth Nesh
Ne mbrojtje te interesave te konsumatorit dhe prodhuesit
Industria e Përpunimit të Qumështit (IPQ) është një organizatë jo fitimprurëse, bazuar në ligjin nr. 8788, datë 07.05.2001 “Për organizatat jofitimprurëse”, i ndryshuar, regjistruar si person juridik me Vendim të Gjykatës së Rrethit Gjyqësor Tiranë. IPQ e ushtron veprimtarinë e saj në të gjithë territorin e Republikës së Shqipërisë.
Shoqata ka si qëllim t’i shërbejë jo vetëm anëtarëve të saj por të mbrojë dhe të mbështesë interesat e të gjithë industrisë së përpunimit të qumështit. Shoqata e ka selinë në Tiranë, me përfaqësim të gjërë në të gjithë territorin kombëtar.
Veprimtaria e IPQ
Shoqata ka si qëllim t’i shërbejë anëtarëve të saj por dhe të gjithë industrisë së përpunimit të qumështit nëpërmjet informimit, mbështetjes në forma të ligjshme si dhe lobimit në eleminimin e vështirësive që ndesh kjo industri.
Veprimtaria e IPQ-së është e përqëndruar në:
-Hartimin e strategjive mbi strukturimin e industrisë së përpunimit të qumështit duke u bazuar në praktikat e vendeve të rajonit;
-Propozime për ndryshime legjislative me qëllim lehtësimin e pozitave të operatorëve që operojnë në këtë fushë e industries së përpunimit të qumështit;
-Mbështetje dhe promovim e çdo iniciative që sjell lehtësim të problematikave që shqetësojnë industrinë e përpunimit të qumështi;
-Lobimin ekonomik nëpërmjet organizimit të konferencave, mbledhjeve apo takimeve të ndryshme;
-Promovimi i vazhdueshëm i produkteve “Made in Albania”
